Kryeministri Edi Rama vijon ta pompojë idenë se protestat që po mbahen në Tiranë janë në favor të Rusisë. Me të gjitha mjetet e propagandës, Rama po i mëshon kësaj ideje. Në një postim në Twitter në orët e vona të së martës, Rama shkruan se për këtë qëllim shërben edhe protesta e njoftuar për të shtunën.
“Shtyrja e protestave të turpit për të shtunën lidhet me mobilizimin financiar dhe partiak të foltoreve e fallxhoreve për të sjellë militantët nga rrethet, që përpëlitjet e fundit të marrin befas pamjen e një dallge televizive, të cilën vetëm Kremlini mund ta shohë me admirim!” – shkruan Rama. ©LAPSI.al
