Policia ndërhyn për të shpërndarë qytetarët që bllokuan Unazën e Vogël në të dyja krahët.
Pati disa përplasje të lehta mes protestuesve dhe forcave të policisë, por situata nuk po del nga kontrolli ende.
Mësohet se një pjesë e protestuesve do të shkojnë drejt Zogut të Zi ku do të bllokojnë dhe hyrjen kryesore për në kryeqytet.
Protestuesit me ç’duket nuk janë bindur nga fjala e kryeministrit Rama, i cili deklaroi se duke filluar nga nesër shteti do të ndërhyjë tek kompanitë e tregtimit të naftës në vend, për të caktuar një marzh shumë të vogël fitimi, në mënyrë që të shmangen abuzimet dhe të mbrohen konsumatorët.
Lexo më tej: Zbythet Rama: Do nxjerr akt normativ kundër spekulantëve të çmimit të naftës!
Një pjesë e protestuesve kanë shkuar gjithashtu përballë ambienteve të drejtorisë së policisë, për të protestuar në lidhje me shoqërimet e protestuesve të bëra ditën e djeshme.
