Është sulmi më i përgjakshëm rus i ditëve të fundit që ka ndodhur në qytetin Mariupol, në jug të Ukrainës dhe në shkelje të qartë të armëpushimit në fuqi për hapjen e një korridori humanitar.
Ai që u godit ishte një spital për fëmijët. Autoritetet thonë se ka shumë viktima nën rrënoja, mbi të gjithë janë fëmijë dhe nëna që prisnin apo që sapo kishin lindur.
Presidenti ukrainas Zelensky tha se kjo është një "katastrofë humanitare". Kjo masakër vjen në prag të një samiti të rëndësishëm në Turqi mes ministrave të jashtëm të Ukrainës dhe Rusisë. ©LAPSI.al
