Një gazetare ukrainase me lot në sy ka drithëruar spt mbarë botën me reagimin që ka pasur gjatë një koiference shtypi përballë kryeministrit Boris Johnson.
Daria Kaleniuk e akuzoi atë se kishte 'frikë' për të mbrojtur bashkëkombasit e saj, gjatë një vizite sot në Poloni.
Kaleniuk tha se gratë dhe fëmijët "po masakroheshin" pasi NATO nuk po vendoste një zonë ndalim-fluturimi.
"Ju keni frikë," tha ajo, duke shtuar se NATO donte të shmangte Luftën e Tretë Botërore, por ajo kishte "tashmë nisur".
Johnson u përgjigj se ai po bënte atë që ishte e mundur pasi Perëndimi nuk do të ndërhynte ushtarakisht.
“Fatkeqësisht, implikimi i kësaj do të ishte se Britania e Madhe do të angazhohej në rrëzimin e avionëve rusë, duke u përfshirë në luftime të drejtpërdrejta me Rusinë, kjo nuk është diçka që ne mund ta bëjmë”, tha ai.
Konfrontimi erdhi pasi zoti Johnson akuzoi Putinin për përdorimin e 'taktikave barbare dhe pa dallim' kundër civilëve të pafajshëm ukrainas.
Ndërsa forcat pushtuese përshkallëzuan sulmet e tyre, ai paralajmëroi se bota po dëshmonte një 'katastrofë'.
Johnson tha se Mbretëria e Bashkuar "është gati" për të pranuar refugjatë në "numra të konsiderueshëm" - duke sugjeruar që kjo mund të nënkuptojë më shumë se 200,000.
Zonja Kaleniuk, drejtoreshë ekzekutive e organizatës së shoqërisë civile të Qendrës së Veprimit kundër Korrupsionit, u tregua kritike ndaj qasjes së Perëndimit.
Duke thënë se vetë kishte arritur të dilte kufirit nga Ukraina, ajo theksoi se miqtë e saj janë ende atje.
“Gratë dhe fëmijët ukrainas janë në frikë të thellë për shkak të bombave dhe raketave që u bien nga qielli. Populli ukrainas po kërkon dëshpërimisht të drejtat për të mbrojtur qiellin tonë, ne po kërkojmë një zonë ndalim-fluturimi.'Cila është alternativa për zonën e ndalim-fluturimit?
“Nato nuk është e gatshme të na mbrojë, sepse NATO ka frikë nga Lufta e Tretë Botërore, por tashmë ajo ka filluar dhe janë fëmijët ukrainas ata që po e marrin goditjen.
"Ju po flisni për më shumë sanksione zoti kryeministër, por Roman Abramovich nuk është i sanksionuar, ai është në Londër, fëmijët e tij nuk janë nën bombardime, fëmijët e tij janë atje në Londër", ngriti zërin Kaleniuk.
Daily Mail/ Lapsi.al
