Këshilli i Sigurimit i Kombeve të Bashkuara ka miratuar një kërkesë të SHBA-së dhe Shqipërisë për thirrjen e një seance të posaçme urgjente të Asamblesë së Përgjithshme në përgjigje të pushtimit rus të Ukrainës. Kjo është hera e parë në 40 vjet që Këshilli i Sigurimit bën një kërkesë të tillë.
Rusia votoi kundër rezolutës ndërsa Kina, India dhe Emiratet e Bashkuara Arabe abstenuan nga votimi. Mbledhja urgjente do të mbahet të hënën.
“Ky nuk është një moment i zakonshëm. Ne duhet të ndërmarrim veprime të jashtëzakonshme për të përballuar këtë kërcënim ndaj sistemit tonë ndërkombëtar dhe të bëjmë gjithçka që mundemi për të ndihmuar Ukrainën dhe popullin e saj”, - tha Linda Thomas-Greenfield, ambasadorja e SHBA në OKB. ©LAPSI.al
