Kryebashkiaku i Fierit, Armando Subashi ka përfunduar seancën e marrjes në pyetje nga prokurorët e SPAK për aferën e inceneratorëve.
Për plot 5 orë ai ka qenë në dispozicion të hetimit për të dhënë shpjegime mbi procedurat e ndërtimit të inceneratorit të Fierit. Fillimisht inceneratori i Fierit do të ndërtohej në tokë publike, më pas u zhvendos në tokë private për të cilën u kryen shpronësime.
Lidhur me këtë aferë 430 mln euro, sot është marrë në pyetje edhe deputeti i PS, Alqi Bllako. Ndërkohë në burg është ish-ministri Lefter Koka, në kërkim mbeten Mirel Mërtiri, Klodian Zoto dhe Stela Gugallja. ©LAPSI.AL
