Një zjarr ka përfshirë mbrëmjen e sotme një servis makinash në dalje të qytetit të Beratit, në zonën e ish-Kombinatit.
Në momentin e rënies së zjarrit në servis ndodhej vetëm roja, i cili pasi ka parë flakët ka njoftuar menjëherë Repartin e Shpëtimit nga zjarri.
Forca të shumta zjarrfikësish ndodhen në zonë dhe po punojnë për, për faktin se servisi ndodhet shumë pranë një pike karburanti.
Aktualisht flakët e zjarrit janë vënë nën kontroll, edhe pse e gjithë zona është pushtuar nga tymi .Zjarri ka shkrumbuar gjithçka ndodhej brenda servisit por fatmirësisht nuk ka pasur të lënduar.
Burime nga vendngjarja bëjnë me dije se shkak për këtë zjarr është bërë një ngrohëse me korrent e lënë në prizë, që mendohet se ka shkaktuar masë elektrike.
