Është arrestuar pak çaste më parë personi që dyshohet se ka vendosur lëndën plasëse në shtëpinë e kreut të FSHF-së Armand Duka mbrëmjen e së hënës.
LAPSI.al mëson nga burimet në polici se personi i ndaluar është Arlen Hasanaj. Ai është nga Durrësi dhe është një banor i lagjes ku banon Duka. Policia nuk ka dhënë ende një njoftim për rrethanat dhe motivet e sulmit.
Ngjarja ndodhi rreth orës 22.30 të së hënës kur një sasi tritoli shpërtheu në derën e jashtme të banesës së Dukës, por përveç dëmeve materiale nuk pati persona të lënduar.
