Partia Demokratike ka dërguar në Komisionin Qendror të Zgjedhjeve një kërkesë për tu regjistruar në zgjedhjet e pjesshme lokale të 6 marsit. Në shkresën e mëposhtme shihet se PD është kujdesur që ndryshe nga partitë e tjera të dërgojë në tavolinën e Ilirian Celibashit edhe një dokument të themelimit të PD-së në 12 dhjetor 1990.
Në pikën 2 të kësaj shkrese nënvizohet se “kryetari i Partisë Demokratike Lulaim Basha me adresë “Bulevardi Zhan Dark”, nr 11 Tiranë që është personi i vetëm i autorizuar që të paraqesë në emër të Partisë Demokratike, kandidatët për kryetar Bashkie në zgjedhjet e pjesshmë vendore të datës 6 mars” – thuhet në shkresën që citon më pas edhe një vërtetim të Gjykatës së Tiranës të 24 janarit 2022 të cilin e ka marrë pranë saj për këtë qëllim.
Në krahun tjetër Komisioni i Rithemelimit të PD-së nuk e njeh Bashën si kryetar pasi këmbëngul se ai është shkarkuar me Kuvendin e 11 dhjetorit dhe referendumin e 18 dhjetorit të vitit të kaluar.
PD ka paraqitur edhe kërkesën për të regjistruar komisionerët e saj në këti zgjedhje. ©LAPSI.al
