Personi që ka mbetur i vrarë sot në Don Bosko quhet Erjon Çela. Ai ka qenë në një tavolinë i ulur në lokal bashkë me disa persona të tjerë, mes të cilëve edhe vëllai i tij, Blerim Çela që ka mbetur i plagosur në këmbë dhe në fytyrë nga breshëritë e kallashnikovit.
Të plagosurit e tjerë janë Arben Dani, i plagosur në këmbë, Edmond Crroi dhe Hazbi Selmani që ka marrë një plumb në shpatull.
Burime nga policia thonë se vrasësit kanë qëlluar nga një automjet në lëvizje drejt lokalit. Breshëritë e Kallashnikovit kanë terrorizuar klientët e lokalit dhe banorët e zonës.
