Avioni i linjës Tiranë-Pisa është rikthyer në pistë vetëm pak minuta pas nisjes nga Aeroporti “Nënë Tereza”. Shkak është bërë xhupi i një pasagjeri që mbante aromë trëndeline. Aroma ka bërë që stjuardesat dhe stafi i avionit të dyshojnë për prani të lëndës narkotike. Kështu avioni është rikthyer në pistën e TIA-s, vetëm pak momente pasi ishte nisur.
Pasi u ul sërish në Rinas është kontrolluar pasagjeri si dhe është verifikuar aroma e xhupit të tij. Menjëherë pas kontrollit avioni është rinisur përsëri. Kjo ka shkaktuar një vonesë me gati dy orë për mbërritjen e avionit në Pisa.
