Një shpërthim i fortë tronditi lagjen “10 korriku” në afërsi të Lungomares së Vlorës mesditën e së dielës. Bëhej fjalë për një sasi eksplozivi që kishte shpërthyer në parkimin nëntokësor të një pallati që kishte si shënjestër 33-vjeçarin Endri Sadedini.
Rrethanat janë ende të paqarta, por i riu ka marrë plagë të rënda dhge ndodhet në rrezik për jetën në spitalin e Vlorës. Burimet nga ky spital thanë se 33-vjeçari ka marrë plagë të rënda në gjymtyrë dhe në fytyrë.
Kjo nuk është hera e parë që Endri Sadedinit i rrezikohet jeta. 4 vite më parë, pikërisht në dhjetor 2017 atij iu vendos një sasi e madhe eksplozivi në makinë, e cila nuk shpërtheu. Në atë kohë ai tha se nuk kishte dijeni se kush mund të ishte autori. Paraprakisht dyshohet se shkak për atentatin mund të jetë e shkuara e të riut dhe prishja e pazareve të paligjshme. ©LAPSI.al
