Ambasadorja amerikane Yuri Kim reagon pas arrestimit te ish ministrit Lefter Koka:
“Veprimet e SPAK, sidomos këtë javë, tregojnë se askush nuk është mbi ligjin. Mund të vraponi por nuk mund t’i fshiheni më ligjit. Reforma në drejtësi po jep rezultate konkrete”.
Ish ministri i Mjedisit Lefter Koka i arrestuar mëngjesin e sotëm nga policia do të akuzohet për shpërdorim detyre, pastrim parash dhe korrupsion. Burime nga SPAK thanë për Lapsi.al se bashkë me Kokën janë disa të arrestuar për aferën e inceneratorëve. Koka është akuzuar se e shndërroi Ministrinë e Mjedisit në autoritetin kontraktor për inceneratorët, ndërkohë që këtë kompetencë e kishte Këshilli i Ministrave.
