Rruga që lidh Rinasin me autostradën Tiranë-Durrës është bllokuar thuajse plotësisht.
Redaksia e Lapsi.al është njoftuar se qarkullimi i makinave është paralizuar. Për të përshkruar rrugën që lidh aeroportin me autostradën duhet rreth një orë, ndërsa shkaqet nuk konfirmohen ende.
Megjithatë, dyshohet se shkak është bërë një bllokim i autostradës tek mbikalimi i kthesës së Rinasit. Kjo njihet si një nga zonat që vuan më tepër nga përmbytjet si pasojë e stuhive si kjo e sotmja.
Ditët e fundit Shqipërinë e ka kapluar një mot i keq që duket se kanë kulmuar ditën e sotme, ku raportime për përmbytje vijnë jo vetëm nga kryeqyteti dhe rrethinat e tij. ©Lapsi.al
Lexo më tej: Përmbytje masive në Vlorë (VIDEO)
