Një makinë është djegur në baypasin e Lushnjes sot. Bëhet fjalë për automjeti, tip Benz Mercedes me targa AA 802 AA. Në mjet ndodhej vetëm drejtuesi, i cili ka dalë pa lëndime. Në vendngjarje kanë mbërritur zjarrfikësit e Lushnjës, për të eliminuar pasojat e zjarrit.
Sipas drejtuesit të mjetit, ai ka qenë i vetëm në makinë dhe mendohet se shkak i zjarrit ka qenë kataliti apo pjesët përcjellëse te gazrave të nxehtë të motorit. Policia po kryen veprimet hetimore për të gjetur shkakun e zjarrit ne mjetin, i cili në pjesën e pasme është djegur totalisht, por pjesa e motorit është e paprekur.
