Një konflikt mes disa personave është shënuar gjatë mbrëmjes së sotme në afërsi të porti të jahteve në Orikum.
Si pasojë e konfliktit, është plagosur me sende të forta 37-vjeçari me iniciale E.Sh. i cili u dërgua në spital ku ndodhet jashtë rrezikut për jetën.
Burimet thanë se ai është goditur në kokë me qytën e pistoletës.
Sipas njoftimit të policisë, gjatë konfliktit, një person ende i paidentifikuar ka qëlluar njëherë me armë zjarri në ajër dhe është larguar.
Policia shkoi menjëherë në vendngjarje dhe po punon për zbardhjen e plotë të konfliktit dhe identifikimin e arrestimin e autorit ose autorëve të dyshuar.
