Është e qartë se kryeministri Edi Rama nuk e dëshiron në asnjë mënurë një “tjetër dhjetor” protestash të studentëve.
Në ditën e parë universitetet i lejuan të hyjnë në auditore edhe studentët e pavaksinuar ndryshe nga sa është vendosur në një akt normativ të ministrisë së Shëndetësisë. Por në këtë situatë Rama thotë se nuk do të ndërhyjë tek studentët.
“Nuk besoj se është e nevojshme të kalojmë në masa të tilla ekstreme. Duhet menduar në mënyrë pozitive. Duhet menduar që, duke qenë se vaksinat do të vijojnë të jenë në dispozicion, do të vaksinohen.
Normalisht ata nuk duhet të marrin pjesë, por kjo është një çështje e autoriteteve sepse qeveria nuk çon dot njerëz për t’i nxjerrë jashtë.
Universitetet janë autonomë. Ata që janë vaksinuar kanë të gjithë të drejtën që të jenë në një mjedis të sigurtë, ministria e Arsimit duhet të shkojë të nxisë studentët” – tha Rama në një intervistë për Euronews. ©LAPSI.al
