Ka ardhur reagimi i parë nga kryeministri Albin Kurti pas lajmit se është firmosur marrëveshja mes Serbisë dhe Kosovës sa i përket reciprocitetit të targave. Kurti shkruan në rrjetin social “Facebook” se tanimë ka nisur epoka kur Serbia mësohet me reciprocitet, ndërsa shton se me firmosjen e kësaj marrëveshje serbët do t’u përmbahen të gjithë pikave dhe se ashtu siç mbulohen simbolet shtetërore të Kosovës kur makinat hyjnë në Serbi, ashtu do të mbulohen edhe simbolet shtetërore kur makinat e Serbisë të hyjnë në Kosovë.
Kjo marrëveshje vjen në një moment kur mes dy shteteve ka pasur tensione të shumta aq sa u arrit që të vendosnin forcat speciale ushtarake në kufirin mes tyre. Në marrëveshjen e arritur në datën 2 tetor do të largohen barrikadat dhe policia ndërsa në datën 4 tetor do të fillojë reciprociteti i targave të përkohshme me tiketa ngjitëse.
