Ambasadorja amerikane në Tiranë, Yuri Kim do të takohet ditën e sotme në orën 16:00 me Lulzim Bashën sipas burimeve.
Ky do të jetë takimi i parë i Yuri Kim me kreun e PD-së, që kur ky i fundit vendosi të t'i bindet ambasadores dhe të përjashtojë Sali Berishën nga grupi parlamentar.
Pas vendimit të DASH për të shpallur Sali Berishën non-grata, Yuri Kim i kërkoi Bashës të distancohet nga Berisha.
Vendimi i marrë darkën para mbledhjes së seancës së parë parlamentare të këtij legjislacioni shkaktoi revoltimin e ish-liderit historik të PD-së, i cili tashmë nuk e njeh më Bashën si kryetar të partisë dhe ka premtuar se do të mbledhë Kuvendin Kombëtar, ku do të pyetet për vendimin e përjashtimit të tij, por nuk përjashtohet mundësia që Berisha të ndërmarrë hapa dhe për shkarkimin e Bashës.
