Partia Demokratike ka vendosur që ditën e enjte të mos e braktisë sallën e Kuvendit ku pritet të prezantohet program qeverisës i kabintetit “Rama 3” dhe që ministrat të marrin votëbesimin.
Mbrëmjen e së mërkurës në selinë blu u mblodh grupi parlamentar i Partisë Demokratike me në kryer Alfred Rushajn për të vendosur planin që do të zbatohet në këtë seancë plenare.
Burime nga grupi parlamentar thanë se ashtu si në 2017 opozita ka vendosur të mos i drejtojë asnjë pyetje qeverisë së re.
Kjo për të mos i dhënë mundësi Ramës dhe ministrave të marrin më shumë kohë. Demokratët kanë vendosur që të shfrytëzojnë në maksimum kohën për t’i bërë oponencë programit qeverisës.
Deputetët e PD pritet të fokusohen në 3 momente kyçe si pandemia e Covid-19, tërmeti dhe kriminaliteti në vend që konsiderohen si dështime të qeverisë që kaloi.
Në mbledhje nuk ka qenë i pranishëm ish-kryeministri Berisha dhe as deputetët Flamur Noka dhe Tritan Shehu që njihen si mbështetës të tij. ©LAPSI.al
