Prindërit e Sabrina Bengajt kanë treguar detaje lidhur me vrasjen e të bijës në shtëpinë e tyre. Nena e Sabrinës, Valentina ka rrëfyer momentin kur Elton Metaj i vrau vajzën në banesë, mbrëmjen e së premtes. Nëna e të resë tregon se të gjithë si familje kishin marrë masa që të renë mos ta linin kurrë vetëm dhe e shoqëronin atë sa herë që dilte nga puna, por tragjedia u ndodhi në shtëpi. Gruaja shpjegon se të premten vajza ndodhej në punë e sapo ishte kthyer dhe ishte ulur për të ngrënë bukë. Ndërkohë, ish-bashkëshorti i saj, Elton Bengaj, u fut në shtëpi me kallash në dorë dhe shkaktoi terror.
Fillimisht sipas nënës së vajzës Bengaj ka kërkuar të vëllain e Sabrinës, Armandon, por menjëherë në këtë rast ka reaguar Sabrina, i cila i ka thënë ish-të shoqit, se “nuk ke punë me të shtëpisë, por me mua”. Më tej, gruaja rrëfen se sapo vajza ka kthyer kurrizin, ish i shoqi e ka qëlluar me breshëri plumbash.
“Po shkonte ora 10:20 vajza punonte, kur ishte turni i dytë unë dilja sepse ia kisha frikën atij njeriu. Kur isha ulur te karrigia më dukej nga frika…se ka bërë terror vjet në shtëpinë tonë. Unë e kuptova direkt, vajzën e prita po hante bukë, ishte me bukë në gojë. Unë po vazhdoja punët. Sa e pashë që do hapte derën e jashtme, kur ai e hapi derën, thashë mos ky do jetë Eltoni. Kur e hapi derën ishte me kallash. Unë vura kujën dhe me atë qetësinë time iu afrova dhe i thashë, e mora me të mirë: të lutem i thashë, ishe 10 muaj në burg, merre armën dhe ik pa të parë njeri, e ke bërë njëherë këtë terror. Ku është ajo më tha. Vajzën tjetër e kisha në dhomë edhe nusen. Del nusja dhe më thotë ma çfarë është. Doli vajza me bukë dhe pjatë në dorë, i vuri automatikun. Vajza i tha mos e godit atë se është shtatzënë, për nusen. Nxirrni Armandon tha për çunin, sa ktheu kurrizin çupa ai e goditi,” shprehet ajo.
[video width="848" height="480" mp4="https://cdnimpuls.com/lapsi.al/wp-content/uploads/2021/09/WhatsApp-Video-2021-09-13-at-11.45.47-AM-1-1.mp4"][/video]
