Të shtëna me armë janë shënuar rreth orës 10:15 të ditës së sotme në Shkodër, në afërsi të shkollës Pyjore. Burime nga policia bëjnë me dije se është plagosur një 54-vjeçar, i identifikuar si Nikolin Huba, banues në Vau Dejës. Ai ka marrë plagë në këmbë por ndodhet jashtë rrezikut për jetën. Në vendngjarje kanë mbërritur menjëherë shërbimet e Policisë ku vijon krehja e zonës për kapjen e autorit. Grupi hetimor nën drejtimin e Prokurorisë ndodhet në vendngjarje dhe vijon punë për sqarimin e rrethanave dhe zbardhjen e ngjarjes.
