Vendi ynë sot do të mbizotërohet nga alternime kthjellimesh dhe vranësirash duke sjellë mot të qëndrueshëm në të gjithë vendin. Sipas Meteoalb, sot temperaturat do të kenë një rritje të lehtë ku do të variojnë: në zonat malore, nga 12°C në 26°C, në zonat e ulëta nga 19°C në 31°C dhe në zonat bregdetare nga 21°C në 32°C. Era do të fryjë në drejtim Perëndimor ndërsa forca e valëzimit në det do të jetë 2 ballë. Kosova sot do të mbizotërohet nga alternime vranësirash dhe kthjellimesh të cilat do të sjellin mot kryesisht të qëndrueshëm. Temperaturat do të pësojnë një rritje lehtë ku do të variojnë: në zonat malore nga 12°C në 26°C dhe në zonat e ulëta nga 14°C në 29°C.
