Mbrëmjen e sotme në aeroportin e Rinasit ka mbërritur grupi i dytë i afganëve. Ministria e Jashtme njoftoi se janë 2 avionë që janë nisur drejt Shqipërisë. I pari u ul pak para mesnatës ndërsa avioni i dytë pritet rreth orës 01.00.
Në avionin e parë të nisur nga Kabuli ishin 95 pasagjerë, 2 prej të cilëve foshnja. Ata u pritën nga ministrja e Jashtme Olta Xhaçka dhe ambasadorja amerikane Yuri Kim.
Refugjatët afganë do u nënshtrohen testeve dhe kontrolleve mjekësore në aeroport përpara se të nisen me autobusë drejt qyteteve apo strukturave ku do të akomodohen në vendin tonë.
Grupi i dytë i afganëve pritet të strehohet në Qytetin Studenti.
Një ditë më parë në Shqipëri mbërriti grupi i parë prej 121 afganësh që janë akomoduar në një nga hotelet e Durrësit. ©LAPSI.al
