Plot 11 persona janë arrestuar në lidhje me ofendimet e rënda raciste ndaj tre futbollistëve anglezë që humbën penalltitë në finalen e Europianit.
Pas finales së madhe të 11 korrikut nërrjetet sociale nisën ofendimet ndaj Marcus Rashford, Jadon Sancho dhe Bukayo Saka. Tre lojtarët dështuan të mposhtin Gigio Donnarumman nga pika e bardhë, dhe u cilësuan fajtorët kryesorë nga një pjesë e tifozëve. Tre lojtarët me ngjyre te Anglisë u “kryqëzuan” nga tifozët, veprime që u dënuan nga trajneri Gareth Southgate dhe autoritetet më të larta shtetërore të Britanisë së Madhe. BBC shkruan se policia mori 600 raporte të komenteve raciste dërguar lojtarëve me ngjyrë të Anglisë pas humbjes së finales, teksa gjykoi se 207 prej tyre konsideroheshin komente kriminale. Nga këto, 123 u postuan nga njerëz jashtë Anglisë, ndërsa 34 vinin nga tifozët vendas.
Policia tha se njerëzit që mendojnë se mund të fshihen pas llogarive të mediave sociale “duhet të mendohen mirë”, teksa 11 persona janë arrestuar në lidhje me ofendimet e rënda ndaj tre futbollistëve.
