Shtetasi Artan Kodra, pronari i një lokali në Velipojë, u arrestua nga policia pasi tentoi të ndërtonte një Beach-bar në zonën e plazhit.
Në pranga përfunduan edhe dy punëtorët Aleksandër Simoni dhe Xhovalin Sukaxhia, që po ndërtonin objektin e paligjshëm.
Njoftimi i plotë
Tenton të ndërtojë në bregdetin e Velipojës Beach-bar, pa lejet përkatëse, vihen në pranga pronari dhe dy punëtorët që po ndërtonin.
Nga shërbimet e Stacionit të Policisë Velipojë në vijim të kontrolleve për lirimin e hapësirave publike në bregdet, u arrestuan shtetasit:
A. K. 40 vjeç, banues në fshatin Hajmel, Vau i Dejës, për veprën penale “Ndërtimi i paligjshëm” dhe “Vjedhja e energjisë elektrike”
A. S. 49 vjeç, banues në fshatin Mnelë, Vau i Dejës, për veprën penale të “Dhënia e ndihmës për ndërtim të paligjshëm”
Xh. S. 52 vjeç banues në fshatin Hajmel, Vau i Dejës, për veprën penale të “Dhënia e ndihmës për ndërtim të paligjshëm”
Arrestimi i këtyre shtetasve u bë pasi në vendin e quajtur “Vilun”, Pulaj, Plazh Velipojë, janë konstatuar duke punuar në një objekt ndërtimi me konstrukt druri lokal, Beach-bar në pronësi të shtetasit A. K. pa lejet përkatëse të organeve kopetente.
Materialet iu referuan Prokurorisë së Rrethit Gjyqësor Shkodër për veprime të mëtejshme
