Një nga organizatat më të mëdha të lirisë së shtypit në botë, Reporterët pa Kufi, dënoi zgjedhjen e Armela Krasniqit si kryetare e bordit të AMA javën e kaluar, duke e konsideruar këtë zgjedhje “një demonstrim arrogant” i pushtetit.
Rama lë në duart e ish-zëdhënëses së PS kamxhikun e portaleve, AMA-n
Reporterët pa Kufi e cilësuan zgjedhjen e Krasniqit në krye të AMA-s një kërcënim të lirisë së shtypit.
“Deputetët e partisë së kryeministrit të Shqipërisë Edi Rama zgjodhën ish-zëdhënësen e tij si kryetare të rregullatorit të medias,” shkruhet në deklaratë, ku theksohet se një institucion i tillë duhet të jetë i pavarur.
“@RSF_inter e dënon këtë demonstrim arrogant të pushtetit që kërcënon lirinë e shtypit,” vijon më tej deklarata.
Kuvendi i Shqipërisë zgjodhi më 7 korrik Armela Krasniqin si krytare të bordit të Autoritetit të Medias Audiovizive, pavarësisht kërkesave të hapura të Bashkimit Evropian, OSBE-së dhe Ambasadës së Mbretërisë së Bashkuar për të mos e bërë.
