Gjatë ditës së djeshme, për shkak të fluksit të pushuesve që i drejtoheshin bregdetit, në pikën kufitare të Hanit të Hotit, është bllokuar për orë të tëra qarkullimi i automjeteve, duke shkaktuar për rrjedhojë trafik të rënduar.
Të shquar për padurimin e tyre, me dhjetra shoferë shqiptarë, ashtu sikurse hasim kurdoherë në raste të kësaj natyre, kanë cënuar rregullat e qarkullimit, duke u munduar të parakalojnë radhën e gjatë të mbetur në vendnumëro për disa minuta.
Mirëpo, në radhët e pushuesve gjendeshin edhe disa turistë francezë që nuk kanë ngurruar t’u japin vendasve disa “leksione qytetarie”. Ata kanë veshur jelekët e verdhë, që përveçse janë të detyrueshëm të mbahen në makinë, njihen prej kohësh botërisht si simbol i rezistencës anti-qeveritare në Francë, fillimisht kundër rritjes së çmimit të naftës, por që mori më tej përmasa më të gjera dhe detyroi presidentin Emannuel Macron, të ulte taksat dhe të ndërmerrte reformimin e administratës.
Shoferët francezë kanë nisur të protesstojnë duke bllokuar korsinë tjetër, për të mos lejuar tejkalimin e kolonës. Këta rrethana kanë stimuluar edhe më nervozizmin e vendasve, që u kanë rënë “në kor” burive, ashtu siç shihet dhe në videon e mëposhtme të postuar nga “JOQ”.
https://www.facebook.com/joqalbania/videos/1317147528445034/?v=1317147528445034
