Të paktën shtatëmbëdhjetë persona, pjesë e një bande shqiptarësh, që trafikonin kokainë nga Holanda kanë rënë në prangat e policisë italiane të akuzuar për trafik ndërkombëtar droge dhe armëmbajtje.
Raportohet se arrestimet e tyre u zhvilluan nga policia e Romës në bashkëpunim me Antimafian italiane.
Në këtë operacion, janë sekuestruar rreth 200 kilogramë kokainë dhe armë. Më shumë detaje priten në orët në vijim.
Banda shqiptare, dyshohet se shpërndante lëndën narkotike në sheshet kryesore të Romës. Hetimet vijojnë ende.
