Ndonëse në Tiranë gëlojnë thashethemet se Presidenti i Turqisë, Recep Tayyip Erdoğan dhe vëllau i tij Edi Rama janë ftohur, së paku në një pikë ata janë dakord: për qarqet populiste që po pengojnë përparimin e Ballkanit perëndimor drejt BE-së. “Vendimet që BE do t’i marrë lidhur me negociatat për anëtarësim me Shqipërinë dhe Maqedoninë e Veriut do të ndikojnë në të ardhmen e gjithë rajonit. Nëse BE i zhvillon këto procesi në kundërshtim me zotimet e saj, kjo do të dëmtonte jo vetëm paqen dhe stabilitetin e rajonit, por edhe kredibilitetin e saj”, u shpreh presidenti turk sipas raportit që bën Anadolu Agency (AA).
lexo me tej:
Analiza/ Ku po e çon vendin lidhja okulte Rama - Erdogan?
Erdoğan këto komente i bëri gjatë Samitit të Procesit të Bashkëpunimit të Evropës Juglindore (SEECP) në kryeqytetin e Bosnjë dhe Hercegovinës, Sarajevë.
Ai u shpreh se Turqia gjithnjë ka dhënë dhe do të vazhdojë të japë mbështetje të fortë për integrimin e Ballkanit në institucionet euroatlantike.
Erdoğan, vendi i të cilit i hapi më kot negociatat me BE që në vitin 2003 kur ai erdhi në pushtet, tha se në periudhën e fundit, politika e zgjerimit e BE-së është kapur peng nga disa qarqe populiste “me mendje të ngushtë”.
“Rrymat diskriminuese dhe përjashtuese që janë rritur në tërë kontinentin, nuk rrezikojnë vetëm paqen e brendshme të Evropës, por edhe ardhmërinë e saj dhe potencialin për të qenë shpresë. Ne besojmë se liderët evropianë do të veprojnë në një mënyrë vizionare dhe do t’i dalin zot idealit të Ballkanit për integrim në Evropë”, potencoi presidenti i Turqisë, Erdoğan.
