Dy makina janë djegur në Vlorënë rrugën “Veledin Kollozi”. Dyshohet se kemi të bëjmë me një zjarrëvënie të qëllimshme.
Policia ka nisur hetimet për ngjarjen dhe po heton të shkuarën e pronarit të dy makinave. Një person i maskuar ka shkuar pranë dy makinave dhe u ka vendosur zjarrin. Janë sekuestruar disa kamera sigurie në zonë, për të bërë të mundur identifikimin e autorëve.
Makinat e djegura janë një e llojit “Benz”, si dhe një furgon.
Makinat janë djegur në rrugën “Veledin Kollozi”, ndërsa policia po punon për zbardhjen e rrethanave të plota të kësaj ngjarjeje.
Mësohet se autorët kanë pasur si qëllim djegien e mjetit benz, në pronësi të shtetasit Skënder Demaj, ndërsa flakët janë përhapur dhe në furgonin që la qenë i parkuar pranë tij.
