Presidenti Ilir Meta ka reaguar për herë të parë pas përfundimit të votimeve të 30 qershorit duke publikuar një video ku duket se si dje votohej kolektivisht.
Burime të Lapsit bëjnë me dije se pamjet vijnë nga Finiqi.
Meta shkruan në Facebook se Shqipëria i shpëtoi kurthit të një përplasje civile, ndërsa ironizon me faktin se jo vetëm u votua, por u tejkalua edhe plani.
https://www.facebook.com/1477517792294489/posts/2351628288216764?s=1429310113&v=e&sfns=mo
Reagimi
Urime të gjithë qytetarëve që dje iu larguan konfrontimit dhe dhunës duke respektuar në mënyrë qytetare njëri-tjetrin, pavarësisht nga qëndrimi ndaj votimeve socialiste të thirrura nga kryeministri Rama.
Shqipëria shpëtoi nga kurthi i përplasjes civile, ndaj i falënderoj nga zemra të gjithë shqiptarët që nuk ranë viktimë e retorikës konfrontuese të liderëve të papërgjegjshëm, që përmes nxitjes së dhunës duan të fshehin skandalet dhe llogaridhënien e tyre.
Përsa i takon tejkalimeve të planit në votimet socialiste, asnjë surprizë nuk kisha.
Për të shijuar rikthimin e kohës së votimeve kolektive, ju ftoj të ndiqni edhe këtë video.
