Presidenti i Republikës, Ilir Meta, paralajmëroi mazhorancën me në krye Edi Ramën se do të përballen me ligjin nëse vijojnë me paligjshmëri.
Meta deklaroi prerë se nukdo të ketë zgjedhje më 30 qershor.
“Gjithçka që u pa dje ishte shfaqje e rëndomtë që nuk ka lidhje me shtetin e së drejtës dhe sundimin e ligjit. Jemi ne situatë paradoksale, ku Presidenti ka anuluar me dekretin datën ë zgjedhjeve, ndërkohë që mazhoranca në paligjshmëri të plotë vijon teatrin. Dekreti i Presidentit për shfuqizimin e dekretin për anulimin e datës së zgjedhjeve është marrë në vlefshmëri të plotë, ndaj dhe vetëm gjykata mund ta shqyrtojë. Presidenti i bën thirrje mazhorancës të tërhiqet nga shantazhet, pasi askush nuk do ta justifikojë përballë ligjit. Vazhdoj të jem i duruar, të pres reflektimin e tyre. E vetmja rrugë për zgjidhjen e krizës mbetet vetëm dialogu politik dhe respekti i ligjit nga të gjithë”, u shpreh Meta.
