Një ditë para mbajtjes së protestës së shtatë në radhë në rang kombëtar të opozitës së bashkuar joparlamentare, kreu i Partisë Demokratike, Lulzim Basha, iu është drejtuar qytetarëve përmes një video-postimi në llogarinë e tij personale në “Facebook”. Basha bën thirrje për pjesëmarrje masive në protestën para godinës së Kryministrisë, për të kërkuar largimin e kreut të qeverisë, Edi Ramës, krijimin e një qeverie tranzitore dhe mbajtjen e zgjedhjeve të lira dhe të ndershme.
“Asnjë hap pas për çlirimin e vendit nga e keqja! Nesër në ora 19:00 të gjithë në shesh! #2qershor #ShqipëriaSiEuropa“-shkruan Basha në postimin bashkëngjitur videos.
[video width="1280" height="720" mp4="https://cdnimpuls.com/lapsi.al/wp-content/uploads/2019/06/Asnjë-hap-pas-për-çlirimin-e-vendit-nga-e-keqja-Nesër-në-ora-1900-të-gjithë.mp4"][/video]Ndërkaq, kryeministri Rama iu drejtua këtë mëngjes me një letër të shtatë publike qytetarëve demokratë, ku shkruante se vendimi i të zgjedhurve të tyre për mospjesëmarrje në zgjedhje, është një tradhti nga lidershipi. Rama theksoi se zgjedhjet janë demokratike edhe pse opozita është jashtë gare për 30 qershorin.
