Një aksident ka ndodhur mesditën e sotme në rrugën Tiranë-Fushë-Krujë, në afërsi të fshatit Valias.
Nga informacionet paraprake të komunikuara nga Policia, një automjet ka goditur këmbësorin e identifikuar si Gëzim Bami, 55 vjeç, i cili për pasojë ka marrë lëndime të rënda. Drejtuesi i automjetit është larguar nga vendngjarja duke e lënë të plagosurin në rrugë.
Në ndihmë të Bamit kanë ardhur të afërmit e tij, të cilët e kanë transportuar drejt spitalit, ku po merr kujdesin e nevojshëm mjekësor.
Forcat policore po punojnë për kryerjen e zbardhjes së rrethanave dhe kapjen e autorit të aksidentit.
