Lulzim Basha ka sulmuar sot dy televizionet e mëdha kombëtare për qëndrimin që po mbajnë lidhur me djegjen e mandateve të opozitës dhe sidomos për promovimin e opozitës së re në parlament.
"Ata po i shërbejnë Ramës dhe për këtë po paguhen me paratë e shqiptarëve" - tha Basha duke folur tek "Të paekspozuarit", duke iu referuar rreth 2 milionë eurove që qeveria ka ndarë për televizionet që u ndëshkuan nga ndërprerja e transmetimit analog.
Në këtë paketë pjesën e luanit e morën Klan dhe Top Channel dhe sipas Bashës kjo qe nje pjesë e pageses që po i bëhet për promovimin e opozitës fallco. ©Lapsi.al
