Policia e Fierit ka ndaluar një 68-vjeçar, banues në Darzezë, i cili dyshohet si autor për zjarrvënie të pyjeve dhe kullotave.
Sipas policisë, 68-vjeçari me inicialet N.D, është kapur nga shërbimet e policisë në fshatin Darëzezë duke ndezur një zjarr, nga ku u dogjën 500 metra me shkurre e ferra, ndërsa flakët rrezikuan edhe pyllin me pisha.
Njoftimi i policisë:
Fier
Vijon puna për vënien para përgjegjësisë ligjore të autorëve për zjarrvënie të pyjeve dhe kullotave.
Policia ndalon një shtetas për “Shkatërrim të pronës me zjarr”.
Specialistët për Hetimin e Krimeve në Komisariatin e Policisë Fier, ndaluan shtetasin:
N.D, 68 vjeç, banues në Darzezë.
Ndalimi i këtij shtetasi u bë pasi është kapur nga shërbimet e policisë në fashtin Darëzezë, duke ndezur një zjarr dhe si pasojë është djegur një sipërfaqe rreth 500 metra me shkurre e ferra duke rrezikur edhe pyllin me pisha.
Materialet i kaluan Prokurorisë pranë Gjykatës së Shkallës së Parë Fier për veprën penale “Shkatërrimi i pronës me zjarr”.
