Kryeministri Edi Rama gjatë një takimi në Durrës, në kuadër të takimeve ‘Bashkia që duam”, i ka quajtur me ironi protestuesit e opozitës profesionistë.
“Janë protesta që zhvillohen vërtetë si një furtunë në gotë dhe jo siç i keni parë ju në tv apo në fotografitë që shoqërojnë protestat që ndodhin këtu. Janë protestues profesionistë, punonjës të bashkisë që nuk u shërbejnë qytetarëve nëse agjencia turistike nuk i nis në protestë. I quajnë mitingu i shekullit, i jetës, mitingu i të gjitha kohërave. Kur mblidhemi ne për një Kongres i quajnë anti protestë”, tha ai.
Kryeministri ironizoi edhe televizionet kombëtare për lajmet që japin.
“Si mundet që një tv kombëtar t’u japë shqiptarëve që në Guatemala përplaset në një autobus. Për të folur pastaj për lajme të tjera si: i ra një tjegull në kokë një të moshuare dhe ajo është jashtë rrezikut për jetën. Ku është lajmi këtu?”, tha Rama.
