Lady Gaga ka reaguar për thashethemet se është në pritje të një fëmije.
Ajo ka qeshur me të madhe me lajmet e fundit, ndërsa ka hedhur poshtë gjithçka duke thënë se është në pritje të ëmbël të albumit më të ri.
“Thashethemet se jam shtatzënë? Po, jam shtatzënë me # LG6”, u shpreh ajo duke iu referuar albumit të gjashtë mbi të cilin po punon.
Fansat e kanë përdorur situatën për të krijuar disa meme fantastike me eko shtatzënie apo batuta të tipit: “Shpresoj të të plasin ujërat!”
Gaga po rritet shumë profesionalisht pas duetit Shallow në Academy Awards me bashkëpunëtorin dhe regjisorin e filmit “A Star Is Born”, Bradley Cooper.
Çifti janë përfolur edhe për lidhje romantike pasi Lady Gaga i dha fund fejesës me Christian Carino-n, duke u referuar te marrëdhënia e ngushtë që kanë me njëri-tjetrin dhe kimia e tyre.
Albumi i fundit i këngëtares Gaga ishte Joanne, i cili doli më 21 tetor 2016, duke nxjerrë hite të paharrueshme si Perfect Illusion, Million Reasons dhe Joanne.
