Flash

Gjykata Kushtetuese nis shqyrtimin e ligjit për barazinë gjinore

Lapsi.al 2026-11-16 18:24:12

Gjykata Kushtetuese nis shqyrtimin e ligjit për barazinë gjinore

Një vit nga miratimi i ligjit për barazinë gjinore, Gjykata Kushtetuese ka zhvilluar seancën e hapur për shqyrtimin e kërkesës së Koalicionit Pro Familjes dhe Forumit Mysliman Shqiptar për shfuqizimin e tij.

Nismëtarët argumentuan arsyet se përse, sipas tyre, ligji është në kundërshtim me Kushtetutën.

 
“Ligji nuk e përkufizon gjininë thjesht si seks biologjik, por përfshin dimensionin e saj shoqëror. Ligji ka problem me rendin juridik aktual kushtetues, pasi kemi një shpërndarje të spektrit shpjegues të gjinisë, gjë që e bën konfuz ligjin dhe të papërcaktuar. Pra, kemi të bëjmë me një përkatësi të shumëfishtë gjinore, që përmendet në ligj mbi 25 herë”, tha Pastori Akil Pano.

Trajtimi i kësaj çështjeje në kurrikulat shkollore ishte një tjetër shqetësim i ngritur gjatë seancës.

“Në një nga nenet, ligji imponon ndryshimin e kurrikulave shkollore. Shqetësimi që kemi si baballarë, nëna apo gjyshër, në rastin tim, është kujdesi ndaj identitetit të fëmijëve tanë. Kush do ta pranonte idenë që t’i thuhej një djali të vogël se ndoshta ka lindur në trupin e gabuar?”, shtoi Pano.

Në të kundërt, përfaqësuesit e qeverisë dhe të Kuvendit i qëndruan ligjit, duke e cilësuar atë në përputhje me Kushtetutën.

“Ligji për barazinë gjinore nuk ndryshon konceptin tradicional mbi gjininë dhe nuk synon të zëvendësojë kategorizimet mjekësore. Objekti i tij është krejt tjetër. Ai synon të kuptojë pse gratë dhe burrat, ndonëse formalisht të barabartë përpara ligjit, mund të mos kenë në praktikë të njëjtat mundësi”, tha përfaqësuesja e qeverisë.

Ligji për barazinë gjinore, i ndryshuar një vit më parë nga Kuvendi, u shoqërua me kundërshtime të forta nga shoqëria civile dhe komunitetet fetare. Nga ana tjetër, nisma u mbështet nga shoqatat LGBT. 

 

Të këshilluara

ide

Andi Bushati: Parody of the taxation of the rich by their prime minister

Regardless of the rhetoric, there can be no illusion that Edi Rama has joined the global trend to reduce inequalities. Because the debate that is raging today is essentially concerned that their deepening is leading to the destruction of democracy. While in our country the opposite is happening. It is the will to destroy democracy that is producing more inequality.

13:31 Andi Bushati

Andi Bushati: Edi Rama is behind the money seized in Germany

Payments to the former head of SHISH from rigged tenders of ANA prove the strange mania to compromise with the state's money and its officials. It doesn't matter that Vlora Hyseni was appointed by Rama himself, it didn't matter that she was considered a blind loyalist, without being corrupt she couldn't be called a devoted servant

15:14 Andi Bushati

MOTI TIRANA

20°c

KËMBIMI EURO

90.02

aktuale

Ndiqe Lapsin edhe në

Me interes nga publiku

Me sytë katër

PAPARAZZI