Flash

Dy shqiptarë në Parlamentin e Serbisë/ Kush është Visar Mehmeti, deputeti që i bashkohet Shaip Kamberit

Lapsi.al 2026-11-19 17:01:20

Dy shqiptarë në Parlamentin e Serbisë/ Kush është Visar

Shqiptarët do të kenë këtë vit dy përfaqësues në Parlamentin e Serbisë. Shaip Kamberi është tashmë një emër i njohur, ndërsa përkrah tij do të ulet për herë të parë Visar Mehmeti, juristi nga Presheva që vjen nga drejtimi i Alternativës për Ndryshim.

Të dy siguruan mandatet nga lista e përbashkët “Koalicioni Shqiptar”, ku Kamberi ishte i pari dhe Mehmeti i dyti. Emrat e tyre figurojnë në vendimin zyrtar të Komisionit Republikan të Zgjedhjeve për ndarjen e mandateve.

Për Mehmetin, hyrja në Kuvend është një përvojë e re, por angazhimi publik ka nisur shumë më herët, mes aktivizmit për të drejtat e njeriut dhe politikës lokale në Preshevë.

Kush është Visar Mehmeti?

I lindur në vitin 1983, Mehmeti është jurist i diplomuar dhe banon në Preshevë. Sipas platformës monitoruese Otvoreni Parlament, ky është mandati i tij i parë parlamentar, i konfirmuar më 17 nëntor 2026.

Ai drejton Alternativën për Ndryshim dhe në zgjedhjet lokale të vitit 2024 ishte kandidat për kryetar të Preshevës.

Përpara angazhimit partiak, Mehmeti ka qenë pjesë e Nismës së të Rinjve për të Drejtat e Njeriut, YIHR. Në vitet 2008–2010 shërbeu si koordinator i organizatës për Preshevën, duke u përfshirë në veprimtari që synonin afrimin e të rinjve shqiptarë me bashkëmoshatarët në qytete të tjera të Serbisë.

Në monografinë e YIHR-së, Mehmeti rrëfen edhe angazhimin në çështjet e teksteve shkollore në shqip dhe njohjes së diplomave. Gjatë një praktike në zyrën e organizatës në Beograd, është marrë me hulumtimin e krimeve të luftës në Kosovë, përfshirë vrasjet e familjeve Bogujevci e Berisha dhe të vëllezërve Bytyqi.

“Do të jem zëri i shqiptarëve të Luginës”

Pas konstituimit të Kuvendit, Mehmeti e ka cilësuar marrjen e mandatit si një moment të rëndësishëm edhe për shqiptarët e Luginës së Preshevës.

“Sot, pas tri ditë diskutimesh, është konstituuar Kuvendi i Republikës së Serbisë, duke shënuar një moment të rëndësishëm politik, edhe për shqiptarët e Luginës së Preshevës. Pas gjashtë vitesh, ne si shqiptarë do kemi më shumë se një ulëse në këtë institucion, ndërsa pjesë e këtij Kuvendi do të jem edhe unë”, shkruan ai në statusin e tij.

Deputeti i ri thotë se mandatin e sheh mbi të gjitha si përgjegjësi ndaj komunitetit që përfaqëson.

“Do të jem zëri i shqiptarëve të Luginës së Preshevës, zëri i shqetësimeve, kërkesave dhe të drejtave të tyre, pa dallim politik apo partiak”, shprehet Mehmeti.

Në daljet publike pas zgjedhjeve, Mehmeti ka renditur mes përparësive pasivizimin e adresave të shqiptarëve, mosnjohjen e diplomave të universiteteve të Kosovës dhe përfaqësimin në institucionet shtetërore. Janë çështje që prekin drejtpërdrejt jetën, punësimin dhe të drejtat e shqiptarëve të Luginës.

Të këshilluara

ide

Andi Bushati: Parody of the taxation of the rich by their prime minister

Regardless of the rhetoric, there can be no illusion that Edi Rama has joined the global trend to reduce inequalities. Because the debate that is raging today is essentially concerned that their deepening is leading to the destruction of democracy. While in our country the opposite is happening. It is the will to destroy democracy that is producing more inequality.

13:31 Andi Bushati

Andi Bushati: Edi Rama is behind the money seized in Germany

Payments to the former head of SHISH from rigged tenders of ANA prove the strange mania to compromise with the state's money and its officials. It doesn't matter that Vlora Hyseni was appointed by Rama himself, it didn't matter that she was considered a blind loyalist, without being corrupt she couldn't be called a devoted servant

15:14 Andi Bushati

MOTI TIRANA

21°c

KËMBIMI EURO

90.02

aktuale

Ndiqe Lapsin edhe në

Me interes nga publiku

Me sytë katër

PAPARAZZI