Një automjet ka dalë nga rruga dhe ka përplasur dy makina të tjera të parkuara. Ngjarja ka ndodhur në autostradën Rrogozhinë Lushnje disa qindra metra para rrethrrotullimit të Plugut.
Mjeti tip Opel Astra me targa AA506 IB ka goditur dy mjete të tjera tip Ford dhe Seat, përplasje nga e cila ka vetëm dëme materiale. Në mjet udhëtonin 4 anëtarë të një familjeje të cilët fatmirësisht nuk kanë pësuar lëndime.
Nga të dhënat paraprake mësohet se drejtuesi i mjetit tip Opel ka humbur kontrollin dhe ka dalë nga rruga. Në këtë pjesë të autostradës shpejtësia e lëvizjes së mjeteve është tepër e lartë edhe pse ka sinjalistikë për uljen e shpejtësisë.
