Kosova arriti një fitore ndaj Lituanisë me një gol të Muharrem Jasharit në ndeshjen e luajtur të hënën. Sfida u zhvillua në stadiumin "Fadil Vokrri" në Prishtinë, ndërsa duelin e ka ndjekur nga afër edhe kryeministri i Kosovës, Albin Kurti.
Në rrjetet sociale është bërë viral një moment, ku Kurti shihet duke kërcyer me duar në xhepa. Nuk dihet nëse ky veprim i tij ka qenë në shenjë gëzimi për fitoren e Kosovës, apo ishte për shkak të temperaturave shumë të ulëta.
Me këtë fitore Kosova renditet e dyta në tabelë në grupin 2 në ligën C të Ligës së Kombeve. Dardanët presin edhe vendimin e UEFA-s për ndeshjen me Rumaninë. ©LAPSI.al
