Mbeten edhe pak orë nga nisja e derbit të Italisë: Inter dhe Juventus do të përballen këtë mbrëmje, duke nisur nga ora 18:00, në San Siro, në një përplasje direkte për javën e 9-të të Serie A. Natyrisht, nuk mund të flitet ende për një ndeshje për titull, edhe pse Napoli është kryesues dhe po përpiqet të shkëputet, por kjo ndeshje mund të jetë një pikë ndarëse e rëndësishme. Edhe David Trezeguet, ish-sulmuesi i madh i Juventus, ka thënë mendimin e tij në një krahasim interesant.
Në fushë do të zbresin dy skuadra shumë të forta të drejtuara nga sulmues të nivelit të lartë: nga njëra anë kapiteni Lautaro Martinez, golashënuesi më i mirë i sezonit të kaluar, i cili ka shënuar 3 gola deri tani, dhe nga ana tjetër Dusan Vlahovic, i cili ka regjistruar 5 gola në këtë sezon të Serie A.
Fjalët e Trezeguet për Vlahovic dhe Lautaro Martinez
“Vlahovic po bën mirë, lëviz shumë dhe ka potencial të madh: deri tani ka realizuar 7 gola në këtë sezon dhe ka gjithçka për të arritur në kuotën 30, por skuadra duhet ta ndihmojë. Ai ka dëshirë të madhe dhe Thiago Motta mbështetet shumë tek Dusan, por ai duhet të bëhet më protagonist në këtë Juventus dhe, mbi të gjitha, të fillojë të jetë më vendimtar. Duhet të arrijë të jetë po aq vendimtar sa është Lautaro Martinez në Inter.
Mund të flasim shumë, por në fund, kuptimi i qartë për një sulmues të Juventusit është ky: ai duhet të shënojë dhe për këto gola do të gjykohet. Kështu ishte për mua vite më parë, kështu është për Vlahovic tani.”
