Pas arrestimit brutal të Ilir Metës, me forca policia të veshura me kapuçë që e nxjerrin zvarrë nga makina, policia nxjer një video ku tregon si ka arrestuar deputetin socialist Jurgis Çyrbja.
Këto janë pamjet e arrestimit të ish-deputetit të PS, Jurgis Çyrbja, një ditë më parë në zonën e Durrësit me urdhër të SPAK:
[video width="480" height="848" mp4="https://cdnimpuls.com/lapsi.al/wp-content/uploads/2024/10/250e7119-9bc3-452e-9128-a392d929e238.mp4"][/video]
Pamjet tregojnë se si Çyrbja futet nga Forcat Operacionale në Drejtorinë e Policisë së Durrësit.
Edhe pse jo të ngjashme, pamjet tregojnë se Çyrbja futet në polici nga dy efektivë me kapuça, që i mbajnë kokën ulur.
Si Meta, ashtu edhe Çyrbja arrestohen si trafikantë kriminelë të rrezikshmërisië së madhe. Edhe pse qartazi kjo video u nxorr për kundërpeshë ndaj tronditjes së opinionit publik se si një ish-President dhe Kryeministër mund të arrestohet aq dhunshëm, edhe kjo video tregon pikërisht mungesën e profesionalizmit të policisë shqiptare.
Arrestimi/ Forcat speciale tërheqin zvarrë Ilir Metën
Çyrbja dorëzoi mandatin e deputetit disa ditë përpara se të arrestohej.
Pse u arrestua Çyrbja?
Ndaj ish-deputetit rëndojnë akuza e korrupsionit, nxjerrjes së sekreteve shtetërore dhe përkrahje të autorit të krimit, ndërkohë bashkë me të, të akuzuar janë edhe shtetasi Ahmet Masha dhe Altin Hajri, ky i fundit një i shumëkërkuar. Në komunikimin zyrtar, SPAK thotë se Çyrbja ka dhënë informacione sekrete dhe ka dekonspiruar Policinë.
Nën hetim, sipas SPAK, janë edhe zyrtarë të tjerë të cilët e kanë ndihmuar ish-deputetin Çyrbja në nxjerrjen e sekreteve shtetërore.
Sipas SPAK, në përgjimet e Sky ECC rezulton se Cyrbja ishte vënë në dijeni të disa operacioneve të policisë për kontrolle që zhvilloheshin në zonën e Durrësit dhe u ka dhënë informacione grupeve kriminale. Po ashtu, Duke mbështetur Altin Hajrin, një person në kërkim për rrëmbimin e Jan Prengës ka përfituar vota prej tij.
©LAPSI.AL
