Në qytetin e Pogradecit dhe në Korçë janë zhvilluar homazhe në nder të 42-vjeçarit, Egli Proga. Babai i dy fëmijëve u dhunua për vdekje nga Denis Meçe. Qytetarët kanë qëndruar në heshtje dhe kanë ndezur qirinj në vendin ku ndodhi ngjarja. Në homazhe kanë marrë pjesë edhe familjarët e viktimës, mes tyre babai dhe motra.
Në një prononcim të shkurtër, babai i 42-vjeçarit u shpreh se kërkojnë vetëm drejtësi dhe asgjë tjetër. “Vetëm drejtësi, vetëm drejtësi! Të dali e vërteta, kaq”, - u shpreh babai i Egli Progës.
Ndërsa e motra e Eglantin Progës u shpreh se vëllait të saj iu mor jeta nga “barbarët e këtij qyteti”, ndërsa u shpreh se ajo do të mbrojë figurën e tij pas vdekjes duke theksuar se “ia ka borxh”.
“Që nga dita kur Egli mbeti këtu i pajetë pasi jetën ia morën barbarët e këtij qyteti, unë do të jem mbrojtësja e tij. Do e mbroj pas vdekjes sepse nuk isha këtu për ta mbrojtur për së gjalli. Mund të dukem si një e vogël dhe hallexheshë me të zeza, por ja kam borxh vëllait tim të sjell drejtësinë.
Nuk dua të përfitoj kush nga vdekja e tim vëllai, nuk dua të politizohet vdekja e tij, por do pranoj ndihmën për vendosjen e drejtësisë. Kriminelët që i kanë mbyllur jetën vëllait tim do shkojnë në burg pa përjashtim. Si ata plehra që e dhunuan dhe ata që u përpoqën ta mbyllin këtë vrasje makabre”, - tha ajo. ©LAPSI.al
