Do të jetë prova gjenerale për Kupën e Botës 2026, që do të përfshijë gjithashtu Kanadanë dhe Meksikën, dhe për Botërorin e ri për klube të shtrirë në 32 pjesëmarrës vitin e ardhshëm. SHBA po përgatitet të presë Kupën e Amerikës 2024 në një edicion të zgjeruar tashmë edhe për ekipet kombëtare të veriut dhe qendrës së kontinentit. Së bashku me 10 përfaqësuesit e zakonshëm nga Jugu (Argjentina, Bolivia, Brazili, Kili, Kolumbia, Ekuador, Paraguaj, Peru, Uruguai dhe Venezuela), do të jenë edhe dy amerikano-veriorë (Kanada dhe SHBA) dhe katër amerikano-qendrorë (Kosta Rika, Xhamajka, Meksika dhe Panamaja).
Do të jetë një mundësi për të parë kampionët në fuqi të kontinentit dhe botës të Argjentinës të drejtuar nga Scaloni, të gatshëm për një përzierje mes "veteranëve të mëdhenj", si Leo Messi dhe Di Maria dhe të rinjve si Valentin Carboni dhe Alejandro Garnacho, 19 vjeçari i United. E njëjta gjë mund të thuhet për Brazilin, edhe pse te Seleçao e Junior Dorival lojtarët më me përvojë janë ende të rinj: Vinicius, një nga yjet e ngjarjes edhe pse është vetëm 6 vjet më i madh se një tjetër lojtar i shumëpritur: shtatëmbëdhjetëvjeçari Endrick, gati për të debutuar në La Liga me fanellën e re të Real Madrid.
Lexo më tej: Video/ Endrick show, Brazili pushton Wembley në debutimin e trajnerit të ri Dorival
TALENTET NË EVIDENCË
Pritshmëri e madhe për të parë Uruguajin e Marcelo Bielsa, Kanadanë e re të udhëhequr nga Jesse Marsch dhe SHBA-në e Gregg Berhalter. Ndër lojtarët e rinj premtues, Savinho, njëzet vjeçari i Brazilit dhe Gironas, Kendry Paez i Ekuadorit (tashmë i nënshkruar nga Chelsea), Enciso i Paraguaijit dhe Brighton, Pepi dhe Tillman amerikanin e PSV, Jhon Duran, sulmues kolumbian i Aston Villa, Dario Osorio i Kilit, Kevin Andrade i Venezuelës dhe xhamajkani Karoy Anderson, mesfushori i Charlton, emri i mesëm i të cilit është... Zidane.
GRUPET E TURNEUT
GRUPI A
Argjentina, Kanada, Kili, Peru
GRUPI B
Ekuadori, Xhamajka, Meksika, Venezuela
GRUPI C
Bolivia, Panama, Uruguaji, SHBA
GRUPI D
Brazili, Kolumbia, Kosta Rica, Paraguaji
