Sali Berisha ka mbledhur për herë të parë pas zgjedhjeve Kolegjin e Kryetarëve. Gjatë fjalës së tij Berisha u shpreh se përgjegjësia e demokratëve është të dalin sa më shpejt nga kjo gjendje.
"Përgjegjësia jonë është të dalim sa më shpejt nga kjo gjendje. Është e vërtetë që këtë gjendje e krijuan pazaret e udhëheqjes me qeverinë, por kjo gjendje shndërron në letër të pavlerë të gjithë aksionin e demokratëve nga Shtatori gjer sot që bënë një mrekulli të vërtetë të madhe për Shqipërinë dhe Europën. Ngritën në këmbë forcën e tyre opozitare si forcë e vërtetë opozitare. Ata presin një drejtim nga ne. Revolta, pakënaqësia, ndaj këtij regjimi zien dhe vlon jo vetëm në zemrat e demokratëve, por ju garantoj edhe të një përqindje të madhe të qytetarëve pa parti, por qoftë edhe PS-së apo partive të tjera. Përsëri sot për shkak të kësaj apatie, frika është e përhapur thellë”, u shpreh Berisha.
Berisha vlerësoi se situata aktuale është më e vështirë se ajo e vitit 1991, pasi sot tha ai, përballen me regjim monist të vendosur nga Edi Rama.
