83 nxënës të klasës së 12-të të shkollës “Ali Hadri” në Pejë, nuk do të mund të hyjnë në Testin e Maturës.
Shkak është bërë një prej profesorëve që i ka vlerësuar ata me notën 1 në lëndën e tij.
Në të gjithë shkollën janë 131 nxënës maturantë, por vetëm 48 kanë kaluar.
Të gjithë nxënësit ankohen se vlerësimi nuk ka qenë i drejtë dhe kërkojnë marrjen e masave.
Në lidhje me këtë veprim, drejtori i shkollës thotë se i ka tërhequr vërejtjen mësuesit, për të cilin thotë se është i rregullt, por notat e tij janë vazhdimisht të dobëta.
Me këtë rast po merren edhe në Drejtorinë e Arsimit në Pejë. ©LAPSI.al
