Dy persona kanë përfunduar në spital dhe të tjerë janë dëmtuar lehtë nga aksidentet e pazakonta që kanë ndodhur mëngjesin e sotëm në pedonalen “28 Nentori” në Shkodër. Këtë të hënë kjo rrugë u kthye në burim aksidentesh me biçikleta. Gjatë natës, lulet e blirit, kanë rënë në pedonale dhe gjatë ditës ato e kanë krijuar një shtresë të rrëshqitshme. Kjo ka sjellë rrëzimin e mbi 10 qytetarëve me biçiklete, ku dy prej tyre kanë përfunduar me urgjencë në spital.
Per pasojë, policia bashkiake detyroi ndalimin e lëvizjeve me biçikleta për qytetarët.
